Ghuljida bir qisim pahishe gumandarliri tutqun qilindi

Muxbirimiz méhriban
2014-07-15
Share


Xitayning qanun torining 15 - iyuldiki xewiridin melum bolushiche, ghulja shehride élip bérilghan bir yilliq térrorluqqa zerbe bérish herikitide, saqchilar ghulja shehiridiki méhmanxanilargha omumiyüzlük tekshürüsh élip bérip, muqimliqqa tesir yetküzüsh éhtimali éghir dep qaralghan bir qisim gumanliq kishilerni razwétka qilish jeryanida bezi shexsiy méhmanxanilarning pahishe sorunlirigha aylan'ghanliqini éniqlap, ötken hepte ichide 11 gumandarni tutqan.

Xewerde yézilishiche, bu qétimqi tutqun qilish puqralar pash qilghan yip uchigha asasen élip bérilghan.

Ziyankeshlikke uchrighuchilar yéqindin buyan ghuljidiki bir qisim shexsiy méhmanxanilarning xojayinliri taksi shopurliri bilen birliship, yoluchilarni pahishiler mulazimet qilidighan méhmanxanilargha mejburi élip kélip, ularni qaqti - soqti qilghanliqi üstidin saqchixanilargha délo melum qilghandin kéyin saqchilar herket qollan'ghan.

Xewerlerdin melum bolushiche, yéqinqi yillardin buyan, Uyghur élige ichkiri xitaydin kelgen köchmenler arisida Uyghurlar zich olturaqlashqan jaylarda méhmanxana, satrachxana, hor muncha, uwilash öyi qatarliq mulazimet orunlirini achidighanlar ashqan bolup, bularning arisida mexpiy pahishiliqni yolgha qoyghanlarmu köpeygen. Bu ehwallar ahalilarning qattiq naraziliqliri qozghap, bir qatar hujum weqelirige seweb bolghanliqi inkas qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet