Xitayning ghulja bilen aqsuni tömüryol arqiliq tutashturush pilani yéqinda ish bashlaydu

Muxbirimiz erkin
2020.04.24

Xitay da'irilirining Uyghur diyarini özgertish pilanining bir qismi bolghan ghulja bilen aqsuni tömüryol arqiliq tutashturush pilani ashkarilandi.

“Tengritagh” torining bildürüshiche, mezkur qurulushning bir qismi bolghan aral-aqsu tömüryol qurulushi bu yil 5-ayda bashlaydiken. 114 Kilométir uzunluqtiki bu tömüryol qurulushigha 3 milyard 500 milyon meblegh ajritilghan. Xitay taratqulirining bu heqtiki xewerliride, bu qurulush “Bingtu'enning jenubqa kéngiyishini tézlitip, tömüryol liniyesige jaylashqan sheher, nahiyelerdiki sana'et rayonlirining mal almashturushida muhim rol oynaydiken”.

Xitay hökümiti 2017-yili Uyghurlarni keng kölemlik tutqun qilip, lagérlargha qamash bilen bir waqitta, nurghun karxanilarni bu nahiye, sheherlerge yötkep chiqip, “Éshincha emgek küchlirini ishqa orunlashturush” namida lagérlardiki nurghun Uyghurlarni bu karxanilarda mejburiy emgekke sélishqa bashlighan. Uning bu herikiti mejburiy emgekni cheklesh toghrisidiki alaqidar xelq'ara qanunlargha xilap, dep eyiblen'gen. Bezi xelq'ara shirketler kishilik hoquq teshkilatlirining bésimida rayondiki bu zawutlar bilen bolghan mal toxtamlirini bikar qilghanidi.

“Tengritagh” torining xewiride ilgiri sürülüshiche, aral-aqsu tömüryol qurulushi xitayning Uyghur diyarida “Töt tik, töt tekshi” tömüryol tori berpa qilish pilanidiki altay-qaramay-ghulja-aqsu tömüryolining bir halqisi bolup, eger bu tömüryol pütse altaydin yolgha chiqqan poyiz ürümchi, turpanni aylinip ötmey qaramay, ghulja arqiliq udul aqsu we aralgha baralaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.