Xitay ghuljida asas qatlam kadirlirigha kurs échip, nikah, depne we balilar ishlirida körsetme bergen

Muxbirimiz erkin
2018-12-05
Share

Uyghur aptonom rayonluq xelq ishlar nazariti 4‏-dékabir küni ghulja nahiyeside Uyghur aptonom rayonining asasi qatlamliridiki xelq ishlar kadirlirigha kurs échip, ijtima'iy rayon we kent ahalilirini qandaq kontrol qilish, ularning ijtima'iy parawanliq, nikah, depne we balilar ishlirini ishlesh qatarliq mesililer heqqide körsetme bergen.

"Junggo xewerler tori" ning ashkarilishiche, mezkur kursqa altay, chöchek, sanji, bortala, korla qatarliq 9 wilayet, oblast we sheherning asasi qatlamliridiki 400 dek xelq ishlar kadiri qatnashqan. Asasi qatlamdiki xelq ishlar kadirlirining "Uniwérsal kespiy iqtidarni östürüsh kursi" namidiki mezkur kurs xitay hökümiti az dégende bir milyondek Uyghurni yighiwélish lagérlirigha qamap, nurghun a'ililerning weyran bolushini, balilarning ige-chaqisiz qélishini, nurghun a'ililerning iqtisadi menbesi üzülüp, qutquzushqa tayinip qélishtek weziyetni shekillendürgen bir mezgilde échilghan.

Bu ehwal xelq'ara kishilik hoquq teshkilatlirining, muhajirettiki Uyghurlar we gherb döletlirining chongqur endishisini qozghighan. Amérika dölet mejlisining bezi kéngesh we awam palata ezaliri yéqinda "Uyghur kishilik hoquq siyasiti qanun lahiyesi" ni otturigha qoyup, Uyghurlarni qoghdashni, yuqiriqi weziyetning kélip chiqishida mes'uliyiti bar xitay emeldarlirini jazalashni telep qilghan idi.

"Junggo xewerler tori" ning xewiride bildürüshiche, kursantlargha kent we ijtima'iy rayonlardiki töwen kapaletlik a'ililerni qandaq éniqlash, qandaq testiqlash, xelq ishlar xizmitini qandaq ölchemleshtürüsh, nikah, depne ishlirini, balilarni orunlashturushni qandaq qilish, ijtima'iy bashqurush we hakimiyet qurulushini qandaq kücheytish qatarliq mesililerde yolyoruq bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet