Голландийә пенсийә фунди уйғурларни бастурушқа қатнашқан хитай ширкәтлириниң пай чекини сетивәткән

Мухбиримиз әркин
2021-05-25
Share

Голландийәниң бир қанчә пенсийә фунди ‍өзлириниң қолидики хитай ширкәтлириниң пай чекини бу ширкәтләрниң уйғурларни бастурушқа қатнашқанлиқи сәвәблик сетивәткән. "асия сәрмайидар" ториниң хәвәр қилишичә, "пул қоғлишиш" намлиқ тәкшүрүш тори голландийәдики 24 чоң пенсийә фундиниң уйғурларни бастурушқа қатнашқан хитай ширкәтлири билән болған һәмкарлиқ әһвалини тәкшүрүп, ABP, детәйлхәндел, PMT вә вониң ширкәтлириниң бу хитай ширкәрлиридики пай чекини сетивәткәнликини билдүргән.

"асия сәрмайидар" ториниң хәвиридә ейтишичә, бу төт голландийә пенсийә фундиниң юқириқи хитай ширкәтлиридики пай чеки бәк көп әмәс икән. Хәвәрдә бу төт ширкәтниң омумий пай чеки соммиси 140 милйон 430 миң доллар икәнликини билдүргән.

Көзәткүчиләрниң қаришичә, бу пенсңйә фундилириниң пай чеки соммиси бәк көп болмисиму, бирақ уларниң уйғур елидики кишилик һоқуқ дәпсәндичилики түпәйли хитай ширкәтлиридики пай чекини сетиветишиниң симвуллиқ әһмийити зор икән.

Хәвәрдә бу фундиларниң пай чекини қачан сетивәткәнлики тилға елинмиған. Әмма бу хәвәр голландийә парламнети бу йил 2-айда хитайниң уйғурларға тутқан муамилисини "ирқий қирғинчилиқ" дәп етирап қилғандин кейин елан қилинған. Голландийә парламенти қарарида "хитайда уйғурларға қарита ирқий қирғинчилиқ болуватқанлиқи" тәкитләнгән. Голландийә ташқий ишлар министири стеф блок "уйғурларниң вәзийити қаттиқ әндишә қозғимақта," дегән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт