Gollandiye pénsiye fundi Uyghurlarni basturushqa qatnashqan xitay shirketlirining pay chékini sétiwetken

Muxbirimiz erkin
2021-05-25
Share

Gollandiyening bir qanche pénsiye fundi ‍özlirining qolidiki xitay shirketlirining pay chékini bu shirketlerning Uyghurlarni basturushqa qatnashqanliqi seweblik sétiwetken. "Asiya sermayidar" torining xewer qilishiche, "Pul qoghlishish" namliq tekshürüsh tori gollandiyediki 24 chong pénsiye fundining Uyghurlarni basturushqa qatnashqan xitay shirketliri bilen bolghan hemkarliq ehwalini tekshürüp, ABP, déteylxendél, PMT we woning shirketlirining bu xitay shirkerliridiki pay chékini sétiwetkenlikini bildürgen.

"Asiya sermayidar" torining xewiride éytishiche, bu töt gollandiye pénsiye fundining yuqiriqi xitay shirketliridiki pay chéki bek köp emes iken. Xewerde bu töt shirketning omumiy pay chéki sommisi 140 milyon 430 ming dollar ikenlikini bildürgen.

Közetküchilerning qarishiche, bu pénsngye fundilirining pay chéki sommisi bek köp bolmisimu, biraq ularning Uyghur élidiki kishilik hoquq depsendichiliki tüpeyli xitay shirketliridiki pay chékini sétiwétishining simwulliq ehmiyiti zor iken.

Xewerde bu fundilarning pay chékini qachan sétiwetkenliki tilgha élinmighan. Emma bu xewer gollandiye parlamnéti bu yil 2-ayda xitayning Uyghurlargha tutqan mu'amilisini "Irqiy qirghinchiliq" dep étirap qilghandin kéyin élan qilin'ghan. Gollandiye parlaménti qararida "Xitayda Uyghurlargha qarita irqiy qirghinchiliq boluwatqanliqi" tekitlen'gen. Gollandiye tashqiy ishlar ministiri stéf blok "Uyghurlarning weziyiti qattiq endishe qozghimaqta," dégen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet