Gollandiye tashqi ishlar ministiri xitayning Uyghurlargha tutqan mu'amilisidin endishe qilghanliqini bildürgen

Muxbirimiz erkin
2020-08-28
Share

Gollandiye tashqi ishlar ministiri stéf blok 27-awghust xitay tashqi ishlar ministiri wang yi bilen körüshkende xitayning Uyghurlargha tutqan mu'amilisidin endishige qilghanliqini bildürgen. "Nédérlands waqti" gézitining xewer qilishiche, stef blok söhbette xitay da'irilirining gollandiyediki Uyghurlargha parakendichilik qilish we tehdit sélish mesilisini otturigha qoyghan. Gollandiyediki Uyghurlar bu yil 5-ayda gollandiye edliye ministirliqigha erz sunup, xitayning özlirige tehdit séliwatqanliqini shikayet qilghan.

Edliye ministirliqi wang yi gollandiyeni ziyaret qilishning aldida erzidarlar bilen körüshken idi. "Nédérlands waqti" ning bildürüshiche, hökümetning élan qilghan bayanatida stéf blokning Uyghur mesilini otturigha qoyghanliqi, lékin konkrét némilerni dégenliki we xitay tashqi ishlar ministirining néme, dep jawab bergenliki ashkarilanmighanliqini, bayanatta peqet blokning "Uyghur weziyitidin endishe qiliwatqanliqi" tekitlen'genlikini bildürgen.

Xewerde tekitlishiche, gollandiye xelq teptish mehkimisi xitay da'irilirining Uyghurlarni gollandiyediki uruq-tughqanlirigha téléfon qildurup, ularni uchur bilen teminleshke qistighanliqigha da'ir 58 kishining 28 inkasini tapshurup alghanliqini bildürgen. Xewerde, bu xil qilmish gollandiye qanunida jazalansimu, lékin teptish mehkimisining yuqiriqi erzge qarita délo turghuzmasliqni qarar qilghanliqi tekitlen'gen. Xewerde ilgiri sürülüshiche, teptish da'iriliri bu déloni éniqlash mumkinchiliki yoq, dep qarighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet