Gollandiyening éynxowén shehiridiki "Xitay medeniyet öyi" qurulushi Uyghur mesilisi seweblik munazire qozghidi

Muxbirimiz erkin
2019-10-28
Élxet
Pikir
Share
Print

Gollandiyening eynxowén shehiridiki 2 milyon dollarliq "Xitay medeniyet öyi" Uyghur mesilisi seweblik munazire qozghighan. Xitayning nenjing shehiri pul chiqirishni üstige alghan mezkur qurulush sheherlik parlaméntta Uyghur mesilisi seweblik öktichi partiyening qarshiliqigha uchrighan.

"Éyinxowén xewerliri" torining ashkarlishiche, dénk partiyening éyinxowén sheherlik parlaménttiki guruppisining bashliqi adem topdagh söz qilip, xitay teminligen mebleghning meqsiti gumanliq ikenliki, xitayning kishilik hoquqni depsende qiliwatqanliqi we Uyghurlarni basturiwatqanliqini otturigha qoyghan. U, xitayning basturushi Uyghur rayoni bilen cheklinip qalmighanliqi, buning éyinxowéndiki Uyghurlarghimu yétip kelgenliki, sheher bashliqi jon jorritsmaning bu sheherdiki Uyghurlarning "Bixeterlikige qandaq kapaletlik qilidighanliqi" sorighan. Uning ilgiri sürüshiche, éyinxowén bilen nenjing shehrining "Qérindash sheherlik munasiwiti peqet iqtisadiy menpe'eti asasigha qurulsa, xitayning Uyghurlargha séliwatqan zulumi tilgha élinmisa, bundaq qurulushning héchqandaq ehmiyiti yoq" iken.

U yene, eger jon jorritsma xitayni ziyaret qilip qaytqanda özlirige bu toghrisida memnun qilarliq bir jawab bermise, parlaméntta mezkur qurulush pilanigha ret awazi béridighanliqi, hetta nenjing bilen bolghan qérindash sheher munasiwitini bikar qilish toghrisida teklip lahiyesi sunidighanliqini bildürgen. "Éyinxowén xewerliri" torining xewiride qeyt qilinishiche, jon jorritsma adem topdaghning sözige qarita xitayda kishilik hoquqning densendichilikke uchrawatqanliqidin epsuslinidighanliqi, biraq özining xitay ziyaritide Uyghur mesilisini qoymaydighanliqini tekitligen. U, bu mesile "Merkizi hökümet we tashqi ishlar ministirliqigha baghliq. Bu sheherlik hökümetning wezipisi emes" dégen. Xewerde körsitilishiche, jon jorritsma özining bu mesilini otturigha qoyghan teqdirdimu, nenjing shehrining béyjing hökümitini körsitip qoyidighanliqi, Uyghurlar basturushqa uchrawatqan rayonning nenjing shehirige 4 ming kilométir kélidighan yiraq jay ikenlikini ilgiri sürgen.

Toluq bet