Гоминдаңниң сабиқ башлиқлиридин лйән җәнниң ши җинпиң билән көрүшкәнлики диққәт қозғиди

Мухбиримиз меһрибан
2015-09-01
Share

Хитайниң җуңго хәвәрләр тори 1-сентәбир күни хитай рәиси ши җинпиңниң японға қарши урушниң 70 йиллиқини хатириләш паалийити үчүн бейҗиңға кәлгән тәйвән гоминдаң партийисиниң сабиқ рәиси лйән җән қатарлиқ тәйвән вәкиллири билән көрүшкәнликини, буниң муһим тарихи әһмийәткә игә икәнликини хәвәр қилди. Лйән җйәнниң бейҗиң зиярити вә ши җинпиң билән көрүшкәнлики тәйвәндики вәзийәт анализчилири вә хәлқара тартқуларниң диққитини қозғиди.

Әнглийә б б с агентлиқида 1-сентәбир күни "лйән бовайниң паратни көрүши вә гоминдаң партийиси ичидики бөлүнүш" намлиқ хәвәр анализи елан қилинди. Хәвәр анализида, "ма йиңҗу қатарлиқ тәйвән гоминдаң партийисиниң юқири дәриҗилик әмәлдарлири, хитай коммунист һөкүмитиниң японға қарши урушта гоминдаң һөкүмити вә армийисиниң асасий күч икәнликидин ибарәт тарихни бурмилаватқанлиқини тәнқид қиливатқанда, 2005-йили гоминдаң партийисиниң рәиси, тәйвәнниң муавин президенти вәзипилиридә болған лйән җәнниң хитай компартийиси өткүзгән японға қарши урушниң 70 йиллиқини хатириләш паалийитигә қатнишиши, хитай компартийиси һөкүмитиниң көңлигә яқти. Ма йиңҗу қатарлиқ гоминдаңниң юқири дәриҗилик әмәлдарлирини нарази қилди, гоминдаң партийиси ичидики бөлүнүшни ипадилиди" дегән баянлар берилди.

Б б с агентлиқиниң хәвәр анализида йәнә, тәйвән "феңчүән агентлиқи" ниң язари шя җениниң "гоминдаң партийисиниң сабиқ рәиси лйән җән бәлким бу зиярити арқилиқ тарихта өз намини қалдурушни ойлиған болса керәк. Әмма демократийә, әркинлик, кишилик һоқуқ мәсилилири икки тәрәпниң бирликкә келишидики нуқтилиқ мәсилиләр. Әгәр лйән җән техиму дадиллиқ билән тәйвәнниң қиммәт қаришини бейҗиңға билдүргән вә бу қарашларни компартийиниң қанун системисиға киргүзгән болса, бу зиярәтниң һәқиқий тарихи әһмийити болған болатти" дегән сөзлири нәқил елинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт