Google Bu yil küzde xitay bazirigha qayta kiridiken

Xewerlerge qarighanda, amérikidiki eng chong intérnét izdesh matori shirkiti — gugul (Google) bu yil küzde xitay bazirigha qayta kiridiken.

Melum bolushiche, gugul shirkiti nöwette Google Play (gugul baziri) ning xitayche nusxisini xitay bazirigha échish üchün testiq élishqa tirishmaqta iken.

Gugul 2006 - yili xitay bazirigha tunji qétim kirgende xitayning intérnét cheklimilirige boysunidighanliqini bildürgen. Halbuki mezkur shirket 2010 - yili intérnét erkinliki mesiliside xitay terep bilen tirkeshken we axiri shu yili martta xitaydiki izdesh mulazimétirini taqap, mulazimétirini xongkonggha yötkigen idi.

Eyni chaghda xitay dölet ishliri kabinéti axbarat ishxanisi bayat élan qilip, gugulni öz wediside turmasliq bilen eyibligen we: “Gugulning qarari bu pütünley xata boldi” dégen idi.

Gugulning bu nöwet yene qandaq shertler astida xitay bazirigha kirishni qara qilghanliqi, xitay terepning buninggha qandaq inkas qayturghanliqi namelum.