Горбачов совет иттипақиниң парчилинип кәткәнликидин әпсуслинидикән

Мухбиримиз үмидвар
2016-05-22
Share

Сабиқ совет иттипақи рәһбири михайил горбачов өзиниң совет иттипақиниң йимирилишигә болған пушайманини вә қиримниң русийә тәрипидин қошувелинишиниң тоғра һәрикәт икәнликини билдүрди.

Әнглийәниң "йәкшәнбә вақти" гезитиниң зияритини қобул қилғанда бу йил 85 яшқа киргән сабиқ совет иттипақиниң тунҗи вә ахирқи президенти михайил горбачов өзиниң совет иттипақиниң йимилиришиға болған әпсуслуқ туйғусини ипадиләп, "шундақ зор байлиқларға вә зор мумкинчиликләргә игә улуғ мәмликәт йоқилип кәтти. Көп санлиқ русийиликләр маңа охшаш, уни қайтуруп келишни ойлимайду, әмма униң вәйран болғанлиқидин чоңқур әпсуслиниду." дегән.

Әнглийә б б с агентлиқиниң "йәкшәнбә вақти" гезитидин нәқил елишичә, михайил горбачов йәнә русийәниң қиримни өзигә қошувелиш һәрикити һәққидә инкас билдүрүп, буниң тоғрилиқини тәстиқлап, өзиниң әгәр путинниң орнида болған болса униңға охшашла иш тутидиғанлиқини ейтқан. У сөзидә әгәр совет иттипақи мәвҗут болуп турған болса қиримниң охшашла униң тәркиби қисми сүпитидә мәвҗут болидиғанлиқини илгири сүргән.

Горбачов йәнә өзиниң президент путин билән болған мунасивити һәққидә тохтилип, илгири уларниң мунасивитиниң һәр даим нормал болуп кәлгәнлики, әмма һазир уларниң мунасивитиниң йоқлуқи вә буни "нормалсизлиқ дәп һесаблайдиғанлиқи"ни билдүргән.

1989 - 1991 - Йили совет иттипақиниң али рәһбири дәвридә соғуқ мунасивәтләр урушини ахирлаштуруш вә совет иттипақини тарқитишта муһим рол ойниған шәхс михайил горбачов һазир москвада яшаватқан болуп, бир қанчә партийә вә фондларға йетәкчилик қилған һәмдә 2007 - йилидин етибарән "сотсиял - демократлар партийәси"ни қуруп, сияси паалийәтлирини давамлаштурмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт