Gorbachow sowét ittipaqining parchilinip ketkenlikidin epsuslinidiken

Muxbirimiz ümidwar
2016-05-22
Share

Sabiq sowét ittipaqi rehbiri mixayil gorbachow özining sowét ittipaqining yimirilishige bolghan pushaymanini we qirimning rusiye teripidin qoshuwélinishining toghra heriket ikenlikini bildürdi.

En'gliyening "Yekshenbe waqti" gézitining ziyaritini qobul qilghanda bu yil 85 yashqa kirgen sabiq sowét ittipaqining tunji we axirqi prézidénti mixayil gorbachow özining sowét ittipaqining yimilirishigha bolghan epsusluq tuyghusini ipadilep, "Shundaq zor bayliqlargha we zor mumkinchiliklerge ige ulugh memliket yoqilip ketti. Köp sanliq rusiyilikler manga oxshash, uni qayturup kélishni oylimaydu, emma uning weyran bolghanliqidin chongqur epsuslinidu." dégen.

En'gliye b b s agéntliqining "Yekshenbe waqti" gézitidin neqil élishiche, mixayil gorbachow yene rusiyening qirimni özige qoshuwélish herikiti heqqide inkas bildürüp, buning toghriliqini testiqlap, özining eger putinning ornida bolghan bolsa uninggha oxshashla ish tutidighanliqini éytqan. U sözide eger sowét ittipaqi mewjut bolup turghan bolsa qirimning oxshashla uning terkibi qismi süpitide mewjut bolidighanliqini ilgiri sürgen.

Gorbachow yene özining prézidént putin bilen bolghan munasiwiti heqqide toxtilip, ilgiri ularning munasiwitining her da'im normal bolup kelgenliki, emma hazir ularning munasiwitining yoqluqi we buni "Normalsizliq dep hésablaydighanliqi"ni bildürgen.

1989 - 1991 - Yili sowét ittipaqining ali rehbiri dewride soghuq munasiwetler urushini axirlashturush we sowét ittipaqini tarqitishta muhim rol oynighan shexs mixayil gorbachow hazir moskwada yashawatqan bolup, bir qanche partiye we fondlargha yétekchilik qilghan hemde 2007 - yilidin étibaren "Sotsiyal - démokratlar partiyesi"ni qurup, siyasi pa'aliyetlirini dawamlashturmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet