Gu'angdongda bir qanche on ming xelq exlet köydürüsh zawuti qurushqa qarshi chiqti

Muxbirimiz ümidwar
2014.09.14
Share on WhatsApp
Share on WhatsApp


Radi'omiz xitay tili bölümining xewer qilishiche, gu'angdong ölkisining xuyjo shehiri, bolo nahiyiside shenbe we yekshenbe künliri bir qanche on ming adem namayish qilip, hökümettin bu nahiyide yéngidin qurulmaqchi bolghan exlet köydürüsh zawuti qurulushini toxtitishni telep qilghan. Hökümet zor sandiki saqchi küchlirini ishqa sélip namayishchilarni tarqitishqa urun'ghan bolup, netijide xéli köp sandiki adem tayaq yégen we 20 nechche adem tutup kétilgen.

Mezkur nahiye qurmaqchi bolghan exlet köydürüsh zawutining kündilik exlet köydürüsh miqdari 2600 tonna bolup, dongjang deryasidin 1800 métir nérigha jaylishidiken. Puqralar derya süyining bulghinishidin endishe qilghan bolup, bu hetta xuyjo, shénjén, xongkong qatarliq sheherlergimu tesir körsitidiken.

Xuyjo shehirining bolo nahiyisidiki xelq buning muhit bulghinish we kishilerning salametlikige éghir ziyan élip kélidighanliqidin eng endishe qilghan bolup, ular mundaq zawutni öz teweside qurmasliqni telep qilghan. Biraq hökümet terep, zawutning ahalilar rayonidin 10 nechche kilométir yiraqliqta ikenliki, muhit we xelq salametlikige tesir körsetmeydighanliqini ilmiy usulda tekshürüp békitkenlikini körsetken.

Shenbe künidiki namayishqa 20 ming adem qatnashqanliqi perez qilinmaqta. Namayish yekshenbe künimu dawamlashqan. Puqralar kolléktip qol qoyup, bayanatname teyyarlap hökümetke yollighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet