Гуаңдуңда йәкшәнбә күни партлиған зор көләмлик намайиш тоқунушқа айланди

Мухбиримиз әркин
2014-03-31
Share

Йәкшәнбә күни, хитайниң гуаңдуң өлкиси мавмиң шәһиридә йәрлик амма химийә завути қурулушиға қарши 10 миң кишилик намайиш қилған. Бирақ, даириләр сақчи вә қораллиқ сақчиларни чиқирип намайишчиларни бастурғачқа, намайиш тезла тоқунушқа айланған.

Дәсләпки толуқсиз мәлуматларда 8 адәм өлгәнлики, 200 нәччә адәм яриланғанлиқи хәвәр қилинған болсиму, сақчи тәрәп адәм өлмигәнликини елан қилған.

Даириләрниң қораллиқ сақчиларни йөткәп келип, шәһәрлик һөкүмәт бинасини қоршивалған намайишчиларни тарқитиветишкә урунуши намайишниң тоқунушқа айлинишини кәлтүрүп чиқарған.

Бир йәрлик намайишчи радиомизға: "сақчилар келип калтәк билән урғачқа тоқунуш партлиди. Аһалә таяқ йесә әлвәттә қачиду. Сақчилар бәк қаттиқ урувәтти" дәп көрсәтти.

Хәвәрләрдә, яридарларниң нәччә онға йетидиғанлиқини илгири сүргән.

Мәлум болушичә, хитай тәрәққият-ислаһат комитети 2012‏-йили мавмиң шәһиридә арен завути қурушни тәстиқлиған. 3 Йерим милярд йүән мәбләғ селинидиған бу қурулушқа мавмиң шәһәрлик һөкүмәт билән мавмиң нефит ширкити бирлишип мәбләғ салмақчи болған.

Бирақ, шәһәр аһалиси мәзкур шәһәрдә бир қанчә химийә завути барлиқи, йәнә химийә завути қуруш муһитни булғап, саламәтликкә зиян йәткүзидиғанлиқини илгири сүрүп, завут қурулушини бикар қилишни тәләп қилған.

Лекин, даириләр пуқраларға иҗабий җаваб бәрмигәчкә, улар йәкшәнбә күни намайиш қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт