Гуаңҗуда пичақлиқ һуҗум қилиш вәқәси йүз бәргәнлики хәвәр қилинди

Мухбиримиз ирадә
2015.03.25


Хоңкоңда чиқидиған минбав гезити, сәйшәнбә күни чүштин кейин гуаңҗу пойиз истансисиға йеқин җайдики бир 10 қәвәтлик сода сарайда пичақлиқ һуҗум қилиш вәқәси йүз бәргәнликини, һуҗумчиларниң уйғурлиқиниң илгири сүрүлүватқанлиқини хәвәр қилди.

25 - Март күни елан қилинған хәвәрдә ейтилишичә, 3 нәпәр пичақлиқ киши бу сода сарайға кирип, кишиләргә һуҗум қилип, 4 кишини яриландурған. Арқидин уйғурлуқи илгири сүрүлүватқан һуҗумчиларниң бири бу 10 қәвәтлик бина үстигә чиқип өзини пәскә ташлап өлгән. Бири нәқ мәйданға кәлгән сақчилар тәрипидин етиветилгән вә йәнә бири тирик қолға чүшкән. Мәзкур вәқә хитай тор бәтлиридә нәқ мәйдан әһвалини көргүчиләр тәрипидин кәң муназирә қилинған вә бу һуҗумчиларниң уйғур икәнлики тилға елинған болсиму, әмма бу техи башқа ахбарат вастилиридә ениқ дәлилләнмиди.

Хитайниң иккки қурултийи ечиливатқан мәзгил болған 6 - март күни гуаңҗу пойиз истансисида уйғурларниң пичақлиқ һуҗум қилиш вәқәси йүз бәргән. Вәқәдә, 10 нәпәр хитай пуқраси яриланған, әйни чағда хитай таратқулири вәқә садир қилғучиларниң уйғур икәнликини, уларниң бириниң нәқ мәйданда сақчилар тәрипидин етиветилип, йәнә бириниң тутқун қилинғанлиқини хәвәр қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.