Gu'angjuda pichaqliq hujum qilish weqesi yüz bergenliki xewer qilindi

Muxbirimiz irade
2015-03-25
Share


Xongkongda chiqidighan minbaw géziti, seyshenbe küni chüshtin kéyin gu'angju poyiz istansisigha yéqin jaydiki bir 10 qewetlik soda sarayda pichaqliq hujum qilish weqesi yüz bergenlikini, hujumchilarning Uyghurliqining ilgiri sürülüwatqanliqini xewer qildi.

25 - Mart küni élan qilin'ghan xewerde éytilishiche, 3 neper pichaqliq kishi bu soda saraygha kirip, kishilerge hujum qilip, 4 kishini yarilandurghan. Arqidin Uyghurluqi ilgiri sürülüwatqan hujumchilarning biri bu 10 qewetlik bina üstige chiqip özini peske tashlap ölgen. Biri neq meydan'gha kelgen saqchilar teripidin étiwétilgen we yene biri tirik qolgha chüshken. Mezkur weqe xitay tor betliride neq meydan ehwalini körgüchiler teripidin keng munazire qilin'ghan we bu hujumchilarning Uyghur ikenliki tilgha élin'ghan bolsimu, emma bu téxi bashqa axbarat wastiliride éniq delillenmidi.

Xitayning ikkki qurultiyi échiliwatqan mezgil bolghan 6 - mart küni gu'angju poyiz istansisida Uyghurlarning pichaqliq hujum qilish weqesi yüz bergen. Weqede, 10 neper xitay puqrasi yarilan'ghan, eyni chaghda xitay taratquliri weqe sadir qilghuchilarning Uyghur ikenlikini, ularning birining neq meydanda saqchilar teripidin étiwétilip, yene birining tutqun qilin'ghanliqini xewer qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet