Gu'angjuda aptobus partlap ikki adem ölgen, 30 din artuq adem yarilan'ghan

Muxbirimiz qutlan
2014-07-16
Share


Shinxu'a agéntliqining xewirige qarighanda, tünügün seher sa'et 7:30 da gu'angju shehiridiki bir yoluchilar kocha aptobusida partlash yüz bérip ikki adem ölgen, 32 adem yarilan'ghan.

Gu'angju sheherlik saqchi idarisi bügün bu heqte bayanat bérip mezkur weqeni sadir qilghan 25 yashliq bir xitay gumandarni tutqanliqini, uning xunen ölkisidin ikenlikini bildürgen. Saqchi da'iriliri mezkur gumandarning yoluchilar aptobusigha bomba qoyushtiki meqsiti heqqide héchqandaq chüshenche bermigen.

Melumki, 7 - ayning bashlirida mushu türdiki oxshash weqe jéjyang ölkisining merkizi bolghan xangjo shehiridimu yüz bérip, 32 adem yarilan'ghan idi.

Közetküchiler aptobus partlitish weqeliri egerde Uyghur élide yüz berse da'irilerning uni mutleq halda "Térrorluq weqesi" dep élan qilidighanliqini, emma xitayning ichki ölkiliride xitay gumandarlar teripidin élip bérilghan partlitish weqelirining "Xelq ichidiki ziddiyet" dégen qalpaq bilen bir terep qilinidighanliqini körsetmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet