Teywende gu'entanamogha qamalghan Uyghurlar heqqidiki filim körsitilidiken

Muxbirimiz irade
2017.09.21

22-Séntebir, yeni jüme küni teywenning teybéy shehiride gu'entanamodiki Uyghurlar heqqide ishlen'gen “Gu'entanamodiki Uyghurlar: bimenilik tutqunliri” namliq höjjetlik filim körsitilidiken.

Bu filim teywende 9-ayning béshidin 10-ayning béshighiche bir ay dawam qilidighan 2017-yilliq “Yaylaq medeniyiti filim féstiwali” da qoyulidiken.

Mezkur filimda eyni dewrdiki dunyawi térrorluqqa qarshi urush dolquni seweblik bu 22 neper Uyghurning béshigha kelgen bextsizlikler yorutulghan bolup, mezkur filim gu'entanamogha qamalghan Uyghur tutqunlar bilen ötküzülgen biwasite ziyaret xatiriliri we neq meydan höjjetlik matériyallar asasida ishlen'gen.

Rézhissor, mezkur filimda Uyghurlarning eyni chaghdiki dunya weziyitining qurbanlirigha aylan'ghanliqini, gerche ularning gunahsizliqi amérika teripidin ispatlinip qoyup bérilgen bolsimu, emma xitayning ularni dawamliq halda “Térrorchi” dep atap kelgenlikini janliq we höjjetlik pakitlar bilen bayan qilghan shundaqla Uyghurlarning siyasiy weziyitini intayin chüshinishlik qilip yorutup bergen.

Melum bolushiche, bu filimning teywendiki qoyulush murasimigha gu'entanamodiki Uyghurlargha terjimanliq qilghan hem shundaqla höjjetlik filimdiki asasliq pérsonazhlarning biri bolghan roshen abbas xanim teklip bilen qatnishidiken. Bu filim ilgiri kanada we gollandiye qatarliq döletlerdiki filim féstiwallirigha qatnashturulup, xéli zor tesir qozghighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.