Гуәнтанамодин бермудаға барған бир уйғур һазирғичә пуқралиққа еришәлмигән

Бүгүн америкидики "а б с радийоси" да "сабиқ гуәнтанамо мәһбуси 7 йилдин кейинму өзигә макан издимәктә" дәп мавзу қоюлған бир хәвәр елан қилинди.

Хәвәр, а б с радийоси мухбириниң гуәнтанамо түрмисидин гунаһсизлиқи испатланғандин кейин, бермудаға йәрләштүрүлгән 4 нәпәр уйғур ичидики хелил мамут билән өткүзгән сөһбити асасида тәйярланған. Хелил мамут мухбирға бермудада яшаватқанлиқиға 7 йилдин ашқан болсиму, әмма һазирғичә өзиниң вә икки яш, бәш яшлиқ икки балисиниң кимлик қәғизи яки паспорти йоқлуқини, өзлириниң "дөләтсиз"ликини ейтқан.

Мәлум болушичә, хелил мамут һазир шу йәрлик адвокат ричард хорсмәнниң халисанә ярдими билән өзи вә балилириға бермуда пуқралиқи берилиши үчүн тиришчанлиқ көрсәтмәктикән. Хелил мамут өзиниң бу иштин үмидварлиқини билдүргән вә "маңа вақитлиқ әмәс, рәсмий бир макан керәк" дегән.

У сөзидә шундақла әйни чағда хата вақитта, хата җайда туруп қалғанлиқтин бешиға бундақ бир паҗиә кәлгәнликини, әмма өзиниң террорчи әмәсликини, һечкимгиму дүшмән әмәсликини әскәрткән вә " мән гуәнтанамодин айрилғанда һәммә ишни кәйнимгә ташливәттим. Мениң һазир аиләм бар, икки балам бар, ғәм қилидиған башқа ишлирим бар" дегән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар