Gu'entanamodin bérmudagha barghan bir Uyghur hazirghiche puqraliqqa érishelmigen

Muxbirimiz irade
2016-10-20
Share

Bügün amérikidiki "A b s radiyosi" da "Sabiq gu'entanamo mehbusi 7 yildin kéyinmu özige makan izdimekte" dep mawzu qoyulghan bir xewer élan qilindi.

Xewer, a b s radiyosi muxbirining gu'entanamo türmisidin gunahsizliqi ispatlan'ghandin kéyin, bérmudagha yerleshtürülgen 4 neper Uyghur ichidiki xélil mamut bilen ötküzgen söhbiti asasida teyyarlan'ghan. Xélil mamut muxbirgha bérmudada yashawatqanliqigha 7 yildin ashqan bolsimu, emma hazirghiche özining we ikki yash, besh yashliq ikki balisining kimlik qeghizi yaki pasporti yoqluqini, özlirining "Döletsiz"likini éytqan.

Melum bolushiche, xélil mamut hazir shu yerlik adwokat richard xorsmenning xalisane yardimi bilen özi we balilirigha bérmuda puqraliqi bérilishi üchün tirishchanliq körsetmektiken. Xélil mamut özining bu ishtin ümidwarliqini bildürgen we "Manga waqitliq emes, resmiy bir makan kérek" dégen.

U sözide shundaqla eyni chaghda xata waqitta, xata jayda turup qalghanliqtin béshigha bundaq bir paji'e kelgenlikini, emma özining térrorchi emeslikini, héchkimgimu düshmen emeslikini eskertken we " Men gu'entanamodin ayrilghanda hemme ishni keynimge tashliwettim. Méning hazir a'ilem bar, ikki balam bar, ghem qilidighan bashqa ishlirim bar" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet