Сабиқ гуантанамо мәһбуслириниң һазирқи һаяти көргәзмә қилинди

Мухбиримиз әзиз
2017-11-13
Елхәт
Пикир
Share
Принт

Америкалиқ фотограф деби корнвал өзиниң бирнәччә йиллиқ нәқ мәйдан тәкшүрүши асасида тәйярлиған фото сүрәтләр көргәзмисидә мәхсус гуантанамо мәһбуслириниң кейинки һаятини җанлиқ намаян қилди. Бу қетимқи көргәзмә нюйорк шәһиридики стевен кашер көргәзмиханисида өткүзүлди.

Әнглийәдә чиқидиған «күндилик почта гезити» ниң 12-ноябирдики хәвиридә ейтилишичә, деби гуәнтанамо түрмисидин қоюп берилгән һәмдә нөвәттә тоққуз дөләттә маканлашқан сабиқ мәһбусларни зиярәт қилған. Шу қатарда гуәнтанамо түрмисидин қоюп берилгән уйғурларниму зиярәт қилған.

У бу һәқтә тохтилип, «бу уйғурлар җәмий 22 нәпәр болуп, уларниң бәши албанийәгә җайлашти. Мән уларниң һаятиниму бу қетимқи көргәзмигә алдим» дегән.

Мәлум болушичә, албанийә һөкүмити гуәнтанамо түрмисидин қоюп берилгән бәш уйғурға панаһлиқ бәргән болсиму, буларға һазирға қәдәр кимлик бәрмигән.

Деби бу һәқтә тохтилип, «америкиға қарши әмәслики испатланған бу уйғурларниң албанийәдәк бир дөләттә кимликсиз қалғанлиқи уларниң һечнемә қилалмайдиғанлиқидин бешарәт бериду. Чүнки бу җайда кимлик болмиса яшиғили болмайду» дегән.

Хәвәрдә ейтилишичә, гуантанамо түрмисидин гунаһсиз икәнлики испатлинип қоюп берилгән һәмдә палав қатарлиқ җайларға маканлашқан уйғурларму һазирға қәдәр йәнила «яғлиқ қапақ» болуп йүрмәктә икән.

Деби мухбирларға қилған сөзидә бу қетимқи көргәзминиң дәл сабиқ гуәнтанамо мәһбуслири һәққидики зиядә әндишини түгитиш икәнликини билдүргән.

Пикирләр (0)
Share
Толуқ бәт