Sabiq gu'antanamo mehbuslirining hazirqi hayati körgezme qilindi

Muxbirimiz eziz
2017-11-13
Share

Amérikaliq fotograf débi kornwal özining birnechche yilliq neq meydan tekshürüshi asasida teyyarlighan foto süretler körgezmiside mexsus gu'antanamo mehbuslirining kéyinki hayatini janliq namayan qildi. Bu qétimqi körgezme nyuyork shehiridiki stéwén kashér körgezmixanisida ötküzüldi.

En'gliyede chiqidighan "Kündilik pochta géziti" ning 12-noyabirdiki xewiride éytilishiche, débi gu'entanamo türmisidin qoyup bérilgen hemde nöwette toqquz dölette makanlashqan sabiq mehbuslarni ziyaret qilghan. Shu qatarda gu'entanamo türmisidin qoyup bérilgen Uyghurlarnimu ziyaret qilghan.

U bu heqte toxtilip, "Bu Uyghurlar jem'iy 22 neper bolup, ularning beshi albaniyege jaylashti. Men ularning hayatinimu bu qétimqi körgezmige aldim" dégen.

Melum bolushiche, albaniye hökümiti gu'entanamo türmisidin qoyup bérilgen besh Uyghurgha panahliq bergen bolsimu, bulargha hazirgha qeder kimlik bermigen.

Débi bu heqte toxtilip, "Amérikigha qarshi emesliki ispatlan'ghan bu Uyghurlarning albaniyedek bir dölette kimliksiz qalghanliqi ularning héchnéme qilalmaydighanliqidin bésharet béridu. Chünki bu jayda kimlik bolmisa yashighili bolmaydu" dégen.

Xewerde éytilishiche, gu'antanamo türmisidin gunahsiz ikenliki ispatlinip qoyup bérilgen hemde palaw qatarliq jaylargha makanlashqan Uyghurlarmu hazirgha qeder yenila "Yaghliq qapaq" bolup yürmekte iken.

Débi muxbirlargha qilghan sözide bu qétimqi körgezmining del sabiq gu'entanamo mehbusliri heqqidiki ziyade endishini tügitish ikenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet