Gulbahar xatiwajining lagér hayati heqqide yézilghan kitabi in'gilizchige terjime qilin'ghan

Muxbirimiz jewlan
2022.02.23
Share on WhatsApp
Share on WhatsApp

Sanaqliq lagér shahidliridin gulbahar xatiwajining lagérdiki échinishliq kechmishliri téma qilin'ghan “Xitay lagéridin hayat qalghuchi” namliq kitabi in'gilizchige terjime qilin'ghan. Bu munasiwet bilen, amérikaning dangliq taratquliridin biri bolghan amérika ammiwi radiyosi (NPR) bu heqte mexsus programma ishlep, gulbahar xanimni ziyaret qilghan. Gülbahar xanim bu radiyo söhbitide özining xitay hökümiti teripidin chaqirtilip tutqun qilin'ghanliqi, türmide ötküzgen 2 yilliq paji'elik mehbus hayati, fransiye hökümitining yardimi bilen qutulup chiqqan teleylik bir guwahchi bolush süpiti bilen dunyadin kütidighan ümidlirini otturigha qoyghan. Programma riyasetchisi nöwettiki weziyetni tilgha élip, xitayning olimpék setchiliki we rusiyening okra'ina ighwagerchiliki küchlük qarshiliqqa uchrawatqan bu künlerde, lagérlarda qamaqliq turuwatqan Uyghurlar paji'esining qayta diqqet qozghawatqanliqini bildürgen.

Amérikaning groziyediki elchixanisining tor bétimu gulbahar xatiwajining mezkur kitabini tonushturup maqale élan qilghan hemde kitabtin bezi jümlilerni neqil alghan. Maqalide yene lagér shahidliridin méhrigul tursunning eslimisi yézilghan “Barsa kelmes jay” namliq kitabmu tonushturulghan؛ gérman tilida yézilghan bu kitab bu yil yanwarda neshr qilin'ghanidi. Maqalide bildürülüshiche, xitaydin qutulup chiqalighan tutqunlarning hékayiliri xelq'arada xéli zor tesir peyda qilghan. Kishiler hayat qalghan bu guwahchilarning paji'elik eslimisi arqiliq xitay yoshurup kelgen jinayetlerni bilgen we uninggha qarshi heriketlinish sépige qétilghan.

Gulbahar xatiwajining “Xitay lagéridin hayat qalghuchi” namliq kitabi 2021-yil 3-ayda fransozche neshr qilin'ghan bolup, shu yili 7-ayda “Xitay lagéridin qandaq qutuldum?” dégen nam bilen türkchige terjime qilin'ghanidi. Buningdin bashqa méhrigul tursun we sayragul sawutbay qatarliq lagér shahidlirining eslimisi yézilghan kitablarmu gérmanche, in'gilizche tillarda neshr qilin'ghan bolup, Uyghurlargha yürgüzülüwatqan qirghinchiliq bu guwahchilarning lagérdiki kechmishliri, paji'elik hékayiliri arqiliq dunyagha tonulghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.