Amérika tashqiy ishlar ministirliqi xitay hökümitining gülshen abbasni qoyup bérishi toghriliq chaqiriq élan qilghan

Muxbirimiz irade
2023.05.19

Amérika tashqiy ishlar ministirliqi xitay hökümitining nöwette xitay türmiside tutup turuluwatqan gülshen abbasni derhal qoyup bérish toghriliq chaqiriq élan qilghan.

Amérika tashqiy ishlar ministirliqi tiwittér arqiliq élan qilghan chaqiriqida mundaq dégen: “Gülshen abbas ishenchlik bolmighan pakitlar asasida eyiblinip xitayda 20 yilliq qamaq jazasigha höküm qilin'ghan. Biz xitay xelq jumhuriyitining insanperwerlik mewqeside turup, uni qoyup bérishini telep qilimiz. U shundila a'ilisidikiler bilen jem bolalaydu we dawalinish imkaniyitige érisheleydu.”

Amérikadiki Uyghur herikiti teshkilatining re'isi roshen abbas xanimning hedisi gülshen abbasning 2018-yili tutqun qilinip, 2020-yili 20 yilliq késilgenliki melum bolghan idi.

Igilinishiche, xitay hökümiti gülshen abbasning délosidimu bashqa minglighan Uyghur tutqunlarning délolirigha oxshashla qanuniy tertip, ochuq-ashkara sot we özini aqlash heq-hoquqlirigha emel qilmighan.

B d t kishilik hoquq kéngishining xalighanche tutqun'gha qarshi turush xizmet guruppisimu ötken hepte élan qilghan tekshürüsh doklatida, xitay hökümiti teripidin tutqun qilin'ghandin béri iz-dériki bolmighan Uyghurlardin ataqliq zhurnalist qurban mamut, “Baghdash” torining qurghuchisi ekber eset we doxtur gülshen abbasning derhal hem shertsiz qoyup bérilishini alahide telep qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.