Uyghur rayonida halal mehsulatqa qarshi turghan xitay ottura sherq halal bazirigha intilmekte

Muxbirimiz shöhret hoshur
2017-09-06
Share

Bügün "Ereb tijariti" namliq bir tor bette xewer qilinishiche, xitayning "Bir yol bir belwagh" qurulushi, ottura sherqtiki musulmanche yémeklik sodisining janlinishigha türtke bolushi mumkin.

Xewerde déyilishiche xitay istémal jehettinmu hem ishlepchiqirish jehettinmu halal mehsulatlar soda bazirida muhim orun'gha ige؛ xitayda halal mehsulatqa qarita 26 milyon istémalchi barliqi tilgha élin'ghan xewerde ningshyadiki "Wujong halal yémeklikler shirkiti"ning dunyadiki gholluq halal mehsulat mulazimetchisi ikenliki eskertilgen.

Xewerde déyilishiche, bu yil 18- we 19-séntebir künliri dubeydiki bir katta méhmanxanida dubey halal mehsulatlar körgezmisi ötküzülidu. Körgezmide halal yémekler, perdazlar we musulmanche kiyim-kéchek, musulmanche sayahet we méhmanxana qatarliq türler boyiche halal mehsulat we mulazimetler bazargha sélinidu؛ 40 nechche dölettin 3000 din artuq kishi qatnishidighan bu körgezmide, mehsulat we mulazimitini bazargha salidighan 11 dölettin biri xitay. Xelq'ara halal layaqet munbirining bash katipi muhemmed salih bedri, xitayning bu bazarda put tirep turushi üchün awwal inawetke éhtiyaji barliqini éytqan.

U yene nöwette xitay musulmanche mehsulat ishlepchiqirishta qurulush jehettin asas tikligen bolsimu, emma uning qanun we tüzüm jehettin xamliqliri barliqini eskertken.

Bezi közetküchiler xitayning "Bir yol bir belwagh" qurulushining xitaydiki bir türküm halal mehsulat ishlepchiqirish küchlirini ottura sherqqe yütkeydighanliqini, buning bilen ereb dunyasida halal mehsulatlarning bahasi erzanlaydighanliqini perez qilishmaqta. Emma ereb dunyasida halal mehsulatlar bazirini igileshke urunuwatqan xitayning mezkur meqsiti emelge ashqan teqdirde bu weziyetning xitayning Uyghur rayonidiki halal mehsulat we mulazimetlerge qarita cheklimisige qandaq tesir körsitidighanliqi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.