Хитай демократчи зат, кишилик һоқуқ паалийәтчиси һаррий ву вапат болди

Мухбиримиз шөһрәт һошур
2016-04-27
Share

Америкида 1985-йилдин башлап кишилик һоқуқ паалийити билән шуғуллиниватқан атақлиқ хитай кишилик һоқуқ паалийәтчиси һаррий ву (ву хуңда) түнүгүн 26- апрел әтигәндә 79 йешида оттура америка дөлити һондураста тәтил қиливатқан чеғида вапат болди.

1960‏-Йили йәни яш 23 вақтида коммунизмға қарши мәйдани сәвәблик түрмигә ташланған һаррий ву 1979-йили йәни 18 йил җаза муддитини өтигәндин кейин қоюп берилгән. У америкиға кәлгәндин кейин вашингтонда логәй фонди намлиқ тәшкилат қуруп асаслиқи хитайдики әмгәк билән өзгәртиш җазасиниң қәбиһликини дуня җамаәтчиликигә аңлитиш билән шуғулланған.

Һаррий ву уйғур мәсилисигиму йеқиндин көңүл бөлгән вә муһаҗирәттики уйғур паалийәтчилири биләнму изчил һәмкарлиқта болуп кәлгән хитай демокиратчилиридин болуп, у паалийәтлири давамида уйғур миллий һәрикитини қоллап көп қетим пикир вә баянатларни бәргән. У бир қетим уйғур районида вәзийәт тәкшүрүши елип бериватқан чеғида хитай даирилири тәрипидин байқилип тутқун қилинған һәм арқидин чеградин һәйдәп чиқирилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт