Бейҗиң шәһири тунҗи қетим еғир дәриҗидики һава булғиништин қизил агаһландуруш бәргән

Мухбиримиз қутлан
2015-12-07
Share

Җуңго хәвәр ториниң бүгүнки хәвиригә қариғанда, бейҗиң шәһәрлик муһит идариси 7-декабир баянат елан қилип, бейҗиңдики еғир муһит булғинишниң илгирики тоқ сериқ дәриҗидин қизил дәриҗигә көтүрүлгәнликини агаһландурған.

Хәвәрдә дейилишичә, бейҗиңдики түтәклик һаварайи 12-айниң 8-күнидин 10-күнигичә давам қилидикән.

Бу хитай һөкүмитиниң пайтәхт бейҗиңдики еғир һава булғиниши һәққидә тунҗи қетим қизил дәриҗилик агаһландуруш елан қилиши икән.

Игилинишичә, бейҗиң шәһәрлик һөкүмәт бүгүн кәчқурун уқтуруш елан қилип, йәсли вә башланғуч, оттура мәктәпләрниң әһвалға қарап вақтинчә оқуш тохтатса болидиғанлиқи һәққидә тәклип бәргән.

Бейҗиң шәһиридики шәхсий аптомобил игилири, аммиви қатнаш идарилири вә метроларниңму түтәклик һаварайи һәққидә алаһидә агаһландурулғанлиқи мәлум.

Мәлумки, һава булғиниши хитайдики әң еғир мәсилиләрниң бири. Германийәдики макс-планик институти бу йил “тәбиәт” журнилида мәхсус доклат елан қилип, хитайда һәр йили 1 милйон 400 миң адәмниң муһит булғиништин зәһәрлинип өлүп кетидиғанлиқини оттуриға қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт