Hindistan waqti géziti: Uyghur musulmanliri hejge hökümettin musteqil bérishni xalaydu

Muxbirimiz shöhret hoshur
2017.08.16

Hindistan waqti géziti bügün Uyghur musulmanlirining hejge öz erkinliki bilen baralmaywatqanliqini xewer qildi.

Xewerde bu yil xitaydin 13800 musulmanning hejge baridighanliqi, bularning az bir qismini Uyghur musulmanliri teshkil qilidighanliqi yézilghan.

Uyghurlarning sayahet cheklimisige uchrawatqanliqi pakitliri bilen tilgha élin'ghan xewerde, Uyghurlardin hejge barghuchilarning pasport élish üchün qattiq tekshürüshtin ötidighanliqi, pasportni alghandin kéyin yene hökümet qarmiqidiki islam jem'iyitining yétekchilikide seper qilishqa mejburlinidighanliqi yézilghan.

Xewerdin melum bolushiche, mezkur axbarat orginining muxbiri yéqinda ürümchige ziyaretke barghinida, bir türküm Uyghurlarni ziyaret qilip ehwal igiligen. Heqiqiy ismini ashkarilashni xalimighan bir Uyghur, yéqinda qeshqer we xotende qanliq weqeler chiqqandin kéyin, xitayning Uyghurlargha pasport bérishni toxtatqanliqini, emma xitay köchmenlirining pasport élishining héchqandaq cheklimige uchrimaywatqanliqini pash qilghan.

Hindistan waqti gézitining bügünki mezkur xewiride, xitayning Uyghurlargha qaratqan hej cheklimisining 2007-yillardin bashlap kücheygenliki, xitay terepning Uyghurlarning tashqi dunya bilen we chet'eldiki Uyghur teshkilatliri bilen uchrishishidin endishe qiliwatqanliqi eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.