Бу йил уйғур районидин һәҗгә кәлгәнләрниң һаҗи бәдәл ибадитигә йол қоюлмиған

Мухбиримиз шөһрәт һошур
2017-09-06
Share

Уйғур районидин һәҗгә кәлгәнләр һәр йили, һәҗгә келиш пурсити болмиғанлар үчүн қилинидиған һаҗи бәдәл ибадитини қилип келиватқан болуп, буниңға бу йил қәтий йол қоюлмиған.

Сәуди әрәбистанда яшаватқан уйғур муһаҗир әхмәт мөмин әпәндиниң баян қилишичә, бу йил һәҗгә кәлгәнләрниң, зәм-зәм сүйи сетивелиш қатарлиқ барлиқ содилиқ ишлирини өз алдиға мустәқил қилишиға йол қоймиған; содилар өмәк тәрипидин қилип берилгән вә һаҗиларниң йенида 500 рияд тин артуқ пул сақлишиға рухсәт қилмиған.

Адәттә уйғур районида өлүп кәткән ата-аниси яки бәзи шараит чәклимилири сәвәбидин өзлири үчүн һаҗи бәдәл қилдурушни уйғун көргәнләр, һәҗгә маңғанларға бәлгилик миқдарда пул берип бу ибадәтни ада қилип келиватқан болуп, бу йил һаҗиларниң йенида айрим пул сақлишиға рухсәт қилинмиғачқа, бу ибадәткә имкан болмиған. Нөвәттә мәккидә дукан ечиватқан, әмма өзини ашкарилашни халимайдиған бир уйғур муһаҗирниң радиомизға ашкарилишичә, у дукиниға тасадипий кирип қалған бир уйғур һаҗи билән муңдишип қалған; уйғур һаҗи даириләрниң һаҗилар һаҗи бәдәл үчүн елип чиққан пулни чәтәлдики уйғур мустәқиллиқ күчлиригә бериветип қалиду дегән әндишә билән чәклигәнликини ашкарилиған.

Роза һейтта қәшқәр япчанға қаратқан телефон зиярәтлиримиз давамида уйғур районида закатниң чәкләнгәнлики, аһалиләрниң һәрқандақ паалийәт үчүн өз алдиған пул топлашқа болмайдиғанлиқи дәлилләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт