"Heptilik xewerler" zhurnili: "Prézidént tramp shinjangdiki zulumni irqiy qirghinchiliq, dep békitishi kérek"

Muxbirimiz erkin
2021-01-08
Share

Amérika tashqi siyaset kéngishining tetqiqatchisi maykél sobolik 7-yanwar "Heptilik xewerler" zhurnilida maqale élan qilip, prézidént trampni wezipisidin ayrilishtin burun axirqi bir ishni béjirishke, xitayning Uyghur élidiki zulumini "Irqiy qirghinchiliq" dep resmiy békitishke chaqirghan. Maykil sobolik "Trampning xitaygha da'ir eng ehmiyetlik ishini yenila qilghili bolidu" mawzuluq maqaliside éytishiche, wezipisidin ayrilidighan emeldarlar kéyinkilerge bu mesilide héchqandaq purset qaldurmasliqi kérek iken.

Maykél sobolik maqaliside, "Tramp memuriyiti Uyghurlarni qoghdash üchün nurghun ish qildi. Lékin wezipisidin ayrilidighan emeldarlar héchqandaq bir ishni teleyge qaldurup qoymasliqi kérek. Prézidént tramp axirqi bir tirishchanliqni körsitip, shinjangdiki zulumni irqiy qirghinchiliq, dep resmiy békitishi kérek" dégen. Uning tekitlishiche, xitayning Uyghur élidiki zulumi 3 jehettin b d t ning irqiy qirghinchiliq ehdinamisige chüshidiken. U, buning Uyghurlar arisida tughutni cheklesh, Uyghur a'ililirining birlikige buzghunchiliq qilish, Uyghurlargha qesten jismaniy, rohiy ziyankeshlik qilishni öz ichige alidighanliqini bildürgen.

Uning qarishiche, tramp hökümiti bu mesilide iqtisadiy émbargo, mejburiy emgek mehsulatlirini tutup qélish qatarliq wastilarni qollan'ghan bolsimu, lékin bu wehshiylikni resmiy irqiy qirghinchiliq dep békitip baqmighan. U bu wehshilikning xaraktéri békitilgendin kéyin mezlumlar qoghdilip, zalimlar jazalan'ghiche arqigha qaytishning mumkin bolmaydighanliqi, bu qararni kéchiktürüshning tallash yoli emeslikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet