Amérika b d t da, Uyghur rayonida herbiy halet siyaqida weziyet shekillen'genlikini tilgha aldi

Muxbirimiz shöhret hoshur
2017-09-19
Share

B d t ning jenwede échiliwatqan 36-nöwetlik kishilik hoquq kéngishide söz qilghan amérika wekili jéysin mak, bügünki doklatida Uyghur rayoni weziyitining jiddiylikini alahide tilgha élip ötti.

U doklatining Uyghur weziyitige a'it qismida eynen mundaq dédi: "Biz, tibetning bir qismida, shinjangning bolsa hemmila yéride dawam qiliwatqan herbiy halet siyaqidiki weziyettin qayghurmaqtimiz".

Rusiye, xitay, birma, kuba, shimaliy koréye qatarliq döletlerning kishilik hoquq weziyiti bahalap ötülgen mezkur doklatta, xitayning öktichi pa'aliyetchilerning a'ile-tawabi'atliridin intiqam élish, téléwiziye ékranlirida iqrarname bayan qildurush qatarliq qilmishliri qattiq tenqid qilindi.

Amérikidiki Uyghur kishilik hoquq we démokratiyeni ilgiri sürüsh fondi jem'iyitining tor bétide xewer qilinishiche, Uyghur milliy herikiti rehbiri rabiye qadir xanim mushu ayning 6- we 8-künliri amérika tashqi ishlar ministirliqining asiya-tinch okyan ishliri bölümining mes'ulliri bilen körüshüp Uyghurlarning kishilik hoquq weziyiti, jümlidin Uyghur rayonida omumyüzlük tesis qilin'ghan yépiq terbiyilesh merkezliri heqqide melumat bergen idi.

B d t da échiliwatqan 36-nöwetlik insan heqliri kéngishi 11-séntebir küni bashlan'ghan 29-séntebir axirlishidu.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.