Xitayning "Ishlepchiqirish qurulush armiyesi" herbiy küchini ashurmaqchi

Muxbirimiz shöhret hoshur
2017-09-19
Élxet
Pikir
Share
Print

Xitayning Uyghur diyaridiki "Shinjang ishlepchiqirish-qurulush armiyesi" dep atilip kéliwatqan, emma közetküchiler teripidin "Yérim armiye" dep atiliwatqan orgini özining herbiy küchini yene ashurmaqchi.

"Ishlepchiqirish qurulush armiyesi" partikomining sékritari sün jinglong bügün bu heqtiki bir bayanlirida mezkur qoshunning birinchi wezipisining chégra we muqimliqni qoghdash ikenlikini tekitligen. Shi jinngingning Uyghur rayonida ebediy eminlikni berpa qilishtin ibaret istratégiyelik bash nishanini emelge ashurushta mezkur "Ishlepchiqirish-qurulush armiyisi" ge pewqul'adde wezipe chüshidighanliqini tekitligen.

"Ishlepchiqirish qurulush armiyesi" ning herbiy küchini we herbiy xaraktérini ashurushni "Bu pewqul'adde wezipini ishqa ashurushtiki achquch" dep teripligen sün jinglong, mezkur "Armiye"ning herbiy meshiqlerni kücheytidighanliqini we uning terkibidiki ma'arip we sehiye sahesinimu muqimliqqa xizmet qilduridighanliqini éytqan.

Xitayning "Xelq géziti"ning bügünki bu heqtiki obzorida bayan qilinishiche, mezkur "Armiye" buningdin kéyin qosh til ma'aripini yolgha qoyup, yerliktin 74400 oqughuchi qobul qilidiken.

Muhajirettiki Uyghur közetküchiler xitayning Uyghur rayondiki her sahe emeldarlirining sho'ar we chaqiriqliridiki özgirishlerge izchil halda diqqet qilip kelmekte. Amérikada yashawatqan siyasiy közetküchi uchqunjan ependi, sün jinglongning yuqiriqi "Ishlepchiqirish qurulush armiyesi" ning muqimliqni qoghdash rolini kücheytish chaqiriqini "Xitay da'irilirining rayondiki hakimiyitining mustemlikichilik tebi'itini yalingach halda otturigha qoyushi" dep baha berdi.

Toluq bet