Xitay herbiy da'iriliri Uyghur élide rast oq étip herbiy manéwir ötküzdi

Muxbirimiz erkin
2013.09.16

Xitayning lenju herbiy rayonigha qarashliq topchi qisimliri Uyghur élide rast oq étip herbiy manéwir ötküzgen.

“Xelq” géziti qatarliq xitay axbarat wasitilirining ötken jüme künki xewerliride, manéwirning konkrét orni, qatnashqan adem sani we ishletken qorallar-yaraqlar heqqide tepsiliy uchur bérilmigen bolsimu, biraq manéwirda rast oq qollan'ghanliqini we manéwirning déngiz yüzidin 4500 métir égizliktiki bir jayda élip bérilghanliqini bildürgen. Xewerde manéwir herbiy qisimlarning égizliktiki urush qilish iqtidarini ashurushni meqset qilghanliqini ilgiri sürgen bolsimu, biraq uning kimni nishan qilghanliqi mejhul.

Bezi közetküchiler, bu yil 4-we 5‏-aylarda hindistan-xitay qisimlirining aqsaychin bilen jamu-keshmirdiki chégra kontrol siziqida tirkiship qalghanliqini ilgiri sürse, yene bezi közetküchiler, afghanistan-pakistan chégrasini baza qilghan türkistan jihadchilirining tasadipiy hujumigha qarshi teyyarliq qiliwatqanliqini ilgiri sürmekte.

Roytérs agéntliqining düshenbe küni xewer qilishiche, elqa'idining kattiwéshi ayman elzawahiri özining élan qilghan jihad toghrisidiki yéngi yolyoruqida, yerlik jihadchi küchlerning kafkaziyede rusiyege, keshmirde hindistan'gha, shinjangda xitaygha qarshi urush qilish hoquqini qollaydighanliqini bildürgen.

Xitay dölet re'isi shi jinping yéqinda ottura asiya jumhuriyetlerge qilghan sepiride, amérika 2014‏-yili afghanistandin chékin'gendin kéyin türkistan jihadchi küchlirining tasadipiy hujumigha qandaq taqabil turush mesilisini nuqtiliq muzakire qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.