Корла шәһри бу йилму йәнә "хәлқара һәрбий ‍оюнлар мусабиқиси" ға саһипханлиқ қилған

Мухбиримиз әркин
2021-08-23
Share

Хитай хәлқарада уйғурларға "ирқий қирғинчилиқ" қилиш билән әйиблинип, бейҗиң қишлиқ олимпикини башқа дөләткә йөткәш тәләп қилиниватқан бир вақтта, бу йилму корла шәһридә "хәлқара һәрбий оюнлар мусабиқиси" ға саһипианлиқ қилған.

2015-Йили русийә тәрпидин тәсис қилинған вә һәр йили истибдат дөләтләр иштирак қилип кәлгән бу һәрбий мусабиқиниң бәзи түрлирини хитай һәр йили корла шәһридә өткүзүп кәлмәктә. Бу мәзкур һәрбий мусабиқә түрлириниң 4-қетим корлада өткүзүлүши болуп, униң немә үчүн һәр йили корлада өткүзүлидиғанлиқи мәлум әмәс.

Бирақ бәзи көзәткүчиләрниң қаришичә, уйғур елида "ирқий қирғинчилиқ" билән әйиблинип кәлгән хитайниң мәзкур һәрбий мусабиқини изчил түрдә корлаға орунлаштуруши мәқсәдлик болуп, у бу арқилиқ дуняға сияси сигнал бәрмәкчи икән. 2021-Йиллиқ "хәлқара һәрбий оюнлар мусабиқиси" ниң корла мусабиқә райониниң ечилиш мурасими 22-авғуст өткүзүлгән. Униңға русийә, белурусиә, өзбекистан, венисуела, вейтнам қатарлиқ йәттә дөләтниң һәрбий қисимлири қатнашқан.

"хитай хәвәрләр агентлиқи" ниң билдүрүшичә, мусабиқә 9-айниң 4-күнигә қәдәр давамлишидикән. Бу җәрянда һәр қайси дөләтләрдин кәлгән һәрбий қисимлар "сувороф һуҗуми", "сүзүк асман", "бихәтәр муһит" дәп аталған 3 түрдә 10 мәйдан һәрбий оюн көрситидикән. Бу йиллиқ һәрбий ‍оюнлар мусабиқиси америка афғанистандин әскәр чекиндүрүп чиққан, хитай талибанлардин "шәрқий түркистан ислам һәркити" ни қоллимаслиқни тәләп қилған вақитта өткүзүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт