Shinjang herbiy rayoni yerlik aliy mektep oqughuchiliri arisida "Qizillashturush" pa'aliyiti élip barmaqtiken

Muxbirimiz qutlan
2016-05-09
Élxet
Pikir
Share
Print

Shinjang uniwérsitéti toridin melum bolushiche, shinjang herbiy rayoni siyasiy bölümining shinjang uniwérsitétidiki yerlik millet oqughuchiliri arisida tesis qilghan atalmish "Dostluq we öz-ara öginish pa'aliyiti" ning échilish murasimi 8-may küni ürümchide ötküzülgen.

Mezkur murasimgha herbiy rayonning mu'awin siyasiy komissari sélimjan seydulla we Uyghur aptonom rayonluq partkom teshwiqat bölümi, edebiyat-sen'etchiler birleshmisi, ma'arip nazariti hem uniwérsitétlarning mes'ulliri qatnashqanliqi melum.

Igilinishiche, herbiy rayon siyasiy bölümi Uyghur élidiki aliy mekteplerge, bolupmu rayondiki eng aliy bilim yurti hésablan'ghan shinjang uniwérsitétigha siyasiy, idé'ologiye we teshwiqat jehette qedemmu-qedem tesir körsetmektiken.

1999-Yili shinjang herbiy rayoni mezkur uniwérsitét bilen dölet mudapi'esi boyiche birlikte oqughuchi terbiyilesh toxtamnamisi tüzgenliki melum. 2014-Yili herbiy rayon siyasiy bölümi yene mezkur uniwérsitétidiki yerlik millet oqughuchiliri arisida atalmish "Dostluq we öz'ara öginish" programmisi tesis qilghan iken.

Herbiy rayonning mu'awin siyasiy komissari sélimjan seydulla murasimda söz qilip, herbiy rayonning mezkur uniwérsitét bilen chongqur derijide "Qizil baghlinishi" ning mewjutluqini tekitligen.

Muhajirettiki Uyghur siyasiy analizchilar, herbiy rayon siyasiy bölümining aliy mekteplerdiki Uyghur we bashqa yerlik millet oqughuchiliri arisida teshwiqat pa'aliyiti élip bérishining hem herbiy hem siyasiy meqsetliri barliqini ilgiri sürmekte.

Toluq bet