Washin'gton etrapidiki Uyghurlar héytliq namazni bille oqudi

Muxbirimiz jüme
2014-10-04
Élxet
Pikir
Share
Print

4-Öktebir amérikining washin'gton shehiri we etraptiki Uyghurlar bir yerge jem bolup héytliq namazni bille oqudi.

Melum bolushiche, namaz oqulghan orun tépish we buni teshkilleshke amérika Uyghur birleshmisi küch chiqarghan.

Bu nöwetlik namazmu pütünley Uyghur diniy zatlarning imamliqida oquldi, Uyghurche tebligh qilindi.

Bu yilliq roza héyt namizimu shu shekilde oxshash orunda oqulghan idi.

Eyni chaghda Uyghurlar héyt namizini Uyghur imamgha iqtida qilip oqughanliqidin söyülgenliki, héytliq namaz üchünmu bolsimu bir yerge jem bolup didarlashqanliqidin xosh bolghanliqini bildürüshken idi.

Bu qétimi qurban héytliq namazmu kishilerni söyündürdi.

Namazxanlar birdek yurt ichide xitayning her xil diniy bésimi ilikide azab chékiwatqan qérindashlirigha du'a qilip, ularning turmushigha eminlik tileshti.

Bu yilliq qurban héyt xitay Uyghurlar qaratqan basturush we nazaretni hessilep kücheytken, jümlidin Uyghur élidiki qarshiliq heriketlirimu körünerlik köpeygen mezgilge toghra kelgen idi.

Toluq bet