Héytgah meschiti aldida bir tümen kishilik usul oynaldi

Muxbirimiz ümidwar
2016-05-22
Élxet
Pikir
Share
Print

Uyghur aptonom rayon da'iriliri 19 - may küni qeshqer shehiride on ming kishilik usul oynash pa'aliyiti we bashqa munasiwetlik kolléktip sen'et pa'aliyetlirini élip barghan.

"19 - May junggo sayahet küni_ qeshqer sizni qarshi alidu" namidiki sayahetchilerning köplep qeshqerge kélishini teshwiq qilidighan mezkur pa'aliyetning Uyghur aptonom rayonluq sayahet idarisi we qeshqer sheherlik hökümet bash bolup uyushturghan.

Xitaydiki ammiwi torlardiki we tengri tagh toridiki süretlik xewerlerdin melum bolushiche, uchisigha Uyghur milliy kiyimliri, bashlirigha doppa kiygen kop sandiki mektep oqughuchiliri, körünüshidin ishchi - xizmetchiler héytgah meydanida kolléktip usul oynashqa teshkillen'gen.

"Nur tori"ning bu heqtiki uchurida qeyt qilinishiche, on ming kishilik usuldin bashqa yene toy murasimi pa'aliyiti, doppa sérik oyuni, yipek yoli karwini qatarliq türlük milliy örp - adet namayan qilinidighan pa'aliyetler teshkillen'gen.

Héytgah Uyghurlar rayonidiki eng chong qedimi meschitlerning biri bolush süpiti bilen meschit aldidiki meydanda eslide Uyghur yash erliri her héyt - bayramlarda özlikidin topliship, kolléktip shekilde her sama usuli oynaytti. Aldinqi yili héytgah meydanida diniy sahedikilerni öz ichige alghan ishchi - xizmetchiler kolléktip alma usuli we xitay millitining ‘en'eniwi usulini oynashqa teshkillen'gen idi.

Ilgiri qeshqer qedimi sheher rayoni chéqish pilani bashlan'ghanda, xelq'arada buninggha nisbeten küchlük tenqidi inkaslar peyda bolghan shuningdek qeshqerde yüzbergen bir qatar weqelerdin kéyin, bu jay xelq'ara metbu'atlarning qiziq témisi bolghanliqi melum.

Toluq bet