Firansiye aliy memuri soti musulmanlarning hijapliq sugha chömülüshini cheklesh qararini bikar qildi

Muxbirimiz erkin
2016-08-26
Élxet
Pikir
Share
Print

Firansiye aliy memuri soti jüme küni firansiyening bezi sheherlerde yolgha qoyulghan musulmanlarning hijapliq su üzüsh kiyimi‏-"Burqa" bilen déngizgha kirishini cheklesh qarari "Tüp erkinlik"ke xilap, dep höküm chiqardi.

Aliy memuri sot, firansiyening ottura déngiz sahilidiki bezi sheherlerning hijapliq su üzüshni cheklishi "Diniy étiqad erkinlikini öz ichige alghan tüp kishilik erkinlikke éghir we éniq xilapliq qilghanliq" dep höküm chiqarghan.

B b s ning ilgiri sürüshiche, mezkur qarar hijapliq su üzüshni chekligen 30 din artuq sheher üchün bir örnek iken. Firansiye aliy memuri sotining bu qarari Uyghur aptonom rayoni burqa, chümbel qatarliq islami kiyim pasonlirining firansiyedimu cheklen'genlikini ilgiri sürüp, özining mezkur rayondiki bu xil kiyim pasonlirigha qoyghan cheklimisini aqlighan mezgilde chiqirildi.

Yéqinda "Tengritagh" tori ayallarning oriniwélishini cheklesh heqqide maqale élan qilip, firansiye, gollandiye, türkiye, italiye, awstraliye qatarliq 9 döletning oriniwélishni chekligenlikini tekitligen.

Firansiyediki kishilik hoquq birliki, anti islamifobiye jem'iyiti qatarliq guruhlar hijapliq su üzüshni chekleshni firansiye aliy memuri sotigha erz qilghan. Xelq'ara kechürüm teshkilati jüme küni sotning qararini qarshi alidighanliqini bildürdi. Mezkur teshkilatning yawropa diréktori jon dalxuzén, "Firansiye da'irilirining ayallar hoquqini qoghdashqa héchqandaq paydisi yoq bu belgilimidin waz kéchishi shert" dégen.

Toluq bet