Һиндистан билән пакистан шаңхәй һәмкарлиқ тәшкилатиға рәсмий әзалиққа қобул қилинди

Мухбиримиз әркин
2015-07-10
Share

Һиндистан билән пакистанниң шаңхәй һәмкарлиқ тәшкилатиға рәсмий әзалиққа қобул қилинди. Бу, русийә билән хитайниң контроллуқидики мәзкур органниң 2001‏-йили қурулғандин буян тунҗи қетим әза қобул қилиши.

Шаңхәй һәмкарлиқ тәшкилатиниң башлиқлар йиғини җүмә күни русийә федератсийәсигә қарашлиқ башқиртистан җумһурийитиниң пайтәхти уфа шәһиридә башланған. Президент путин йиғинниң ечилишида, һиндистан билән пакистанниң әзалиққа қобул қилинғанлиқи, беларусийәниң көзәткүчи дөләтлик орниға еришкәнликини елан қилған.

Буниң билән беларусийә иран, афғанистан, моңғулийәдин кейин көзәткүчилик салаһийитигә еришкән 4‏-дөләт болуп қалди. Путин йәнә, әзәрбәйҗан, камбоджа, непал, әрменийәниң сөһбәтдашлар дөләтләр қатарида қарши елинидиғанлиқини тәкитлигән.

У, афғанистандин келиватқан бихәтәрлик тәһдити күчийиватқанлиқини әскәртип, районда ислам дөлитиниң күчийиватқанлиқи, башлиқларниң террорлуққа қарши һәмкарлиқни күчәйтишкә келишкәнликини, зәһәрлик чекимлик қачақчиқилиға қарши биргә күрәш қилидиғанлиқини билдүргән.

Хитай муавин ташқи ишлар министири чен гопиң илгири бу йиғинда ислам дөлитиниң афғанистандики һәрикити нуқтилиқ музакирә қилинидиғанлиқи, ш т и һ ислам дөлитиниң "террорлуқ" һәрикәтлиригә қатнишиватқанлиқини илгири сүргән иди.

Анализчиларниң қәйт қилишичә, хитай шаңхәй һәмкарлиқ тәшкилати арқилиқ уйғур мустәқиллиқ һәрикитиниң районда актип һаләткә келишиниң алдини алмақчикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт