Hindistan bilen pakistan shangxey hemkarliq teshkilatigha resmiy ezaliqqa qobul qilindi

Muxbirimiz erkin
2015-07-10
Share

Hindistan bilen pakistanning shangxey hemkarliq teshkilatigha resmiy ezaliqqa qobul qilindi. Bu, rusiye bilen xitayning kontrolluqidiki mezkur organning 2001‏-yili qurulghandin buyan tunji qétim eza qobul qilishi.

Shangxey hemkarliq teshkilatining bashliqlar yighini jüme küni rusiye fédératsiyesige qarashliq bashqirtistan jumhuriyitining paytexti ufa shehiride bashlan'ghan. Prézidént putin yighinning échilishida, hindistan bilen pakistanning ezaliqqa qobul qilin'ghanliqi, bélarusiyening közetküchi döletlik ornigha érishkenlikini élan qilghan.

Buning bilen bélarusiye iran, afghanistan, mongghuliyedin kéyin közetküchilik salahiyitige érishken 4‏-dölet bolup qaldi. Putin yene, ezerbeyjan, kambodzha, népal, erméniyening söhbetdashlar döletler qatarida qarshi élinidighanliqini tekitligen.

U, afghanistandin kéliwatqan bixeterlik tehditi küchiyiwatqanliqini eskertip, rayonda islam dölitining küchiyiwatqanliqi, bashliqlarning térrorluqqa qarshi hemkarliqni kücheytishke kélishkenlikini, zeherlik chékimlik qachaqchiqiligha qarshi birge küresh qilidighanliqini bildürgen.

Xitay mu'awin tashqi ishlar ministiri chén goping ilgiri bu yighinda islam dölitining afghanistandiki herikiti nuqtiliq muzakire qilinidighanliqi, sh t i h islam dölitining “Térrorluq” heriketlirige qatnishiwatqanliqini ilgiri sürgen idi.

Analizchilarning qeyt qilishiche, xitay shangxey hemkarliq teshkilati arqiliq Uyghur musteqilliq herikitining rayonda aktip haletke kélishining aldini almaqchiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet