Һиндистанда өткүзүлгән сайламда нарәндра моди утуп чиқти


2014-05-17
Share


Һиндистанда бу қетим өткүзүлгән сайламда өктичи партийә зор пәрқ билән утуп чиқип, мәзкур партийә даһийси нарәндра модиниң дунядики әң демократик дөләт һиндистанға баш министир болушиға йол ачти.

Моди сайлам җәрянида һиндистанниң сиясий вә иҗтимаий җәмийитидә негизлик өзгириш пәйда қилидиғанлиқи һәққидә вәдә бәргән иди.

Униң партийиси бу нөвәт һиндистан һоқуқ сәһнисигә чиқса, буниң билән нөвәттики баш министир манмахан синг партийисиниң монопол орниға хатимә берилиду.

Моди һиндистан сиясий сәһнисидә йеңичә қияпәт билән мәйданға чиқидиған болсиму, көзәткүчиләр модиниң һинди милләтчи партийиси өз мәсләклирини күчәп тәшәббус қилип, һиндистандики 138 милйон мусулман җамаити арисидики җиддийликни улғайтиветиши мумкин дәп әндишә қилишмақта.

2001 Йили гуҗарат штатидики гуруппилар арисида тоқунуш йүз берип 1000 адәм өлтүрүлгән, буларниң көп қисми мусулманлар иди.

Әйни чағда гуҗарат штатиниң башлиқи болуп туруватқан моди бу қирғинчилиқини тохтитишқа актип арилашмаслиқ билән әйибләнгән. Әмма у һечқандақ җинайи җавабкарлиққа тартилмиған.

Америка һөкүмити модиниң топилаңдики мәсулийәтсизликини көздә тутуп 2005 - йили униң америкиға келишини рәт қилған иди.

Манмахан сингиниң мәҗлис партийиси сайлам җәрянида гуҗарат топилиңини оттуриға қойған болсиму, модиниң һиндистан иқтисадини яхшилаш, һөкүмәт ичидики чирикликини йоқитиш вәдилири бәкрәк қоллашқа еришкән.

Модиниң көп хил дин вә көп хил мәдәнийәтләрдин тәркиб тапқан һиндистан җәмийитидә диндин халий бир һакимийәт йүргүзәләйдиған яки йүргүзәлмәйдиғанлиқи диққәт билән көзитилмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт