Hindistanda ötküzülgen saylamda narendra modi utup chiqti


2014-05-17
Share


Hindistanda bu qétim ötküzülgen saylamda öktichi partiye zor perq bilen utup chiqip, mezkur partiye dahiysi narendra modining dunyadiki eng démokratik dölet hindistan'gha bash ministir bolushigha yol achti.

Modi saylam jeryanida hindistanning siyasiy we ijtima'iy jem'iyitide négizlik özgirish peyda qilidighanliqi heqqide wede bergen idi.

Uning partiyisi bu nöwet hindistan hoquq sehnisige chiqsa, buning bilen nöwettiki bash ministir manmaxan sin'g partiyisining monopol ornigha xatime bérilidu.

Modi hindistan siyasiy sehniside yéngiche qiyapet bilen meydan'gha chiqidighan bolsimu, közetküchiler modining hindi milletchi partiyisi öz mesleklirini küchep teshebbus qilip, hindistandiki 138 milyon musulman jama'iti arisidiki jiddiylikni ulghaytiwétishi mumkin dep endishe qilishmaqta.

2001 Yili gujarat shtatidiki guruppilar arisida toqunush yüz bérip 1000 adem öltürülgen, bularning köp qismi musulmanlar idi.

Eyni chaghda gujarat shtatining bashliqi bolup turuwatqan modi bu qirghinchiliqini toxtitishqa aktip arilashmasliq bilen eyiblen'gen. Emma u héchqandaq jinayi jawabkarliqqa tartilmighan.

Amérika hökümiti modining topilangdiki mes'uliyetsizlikini közde tutup 2005 - yili uning amérikigha kélishini ret qilghan idi.

Manmaxan sin'gining mejlis partiyisi saylam jeryanida gujarat topilingini otturigha qoyghan bolsimu, modining hindistan iqtisadini yaxshilash, hökümet ichidiki chiriklikini yoqitish wediliri bekrek qollashqa érishken.

Modining köp xil din we köp xil medeniyetlerdin terkib tapqan hindistan jemiyitide dindin xaliy bir hakimiyet yürgüzeleydighan yaki yürgüzelmeydighanliqi diqqet bilen közitilmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet