Général manoj narawani: “Biz toqunush yaki urushta xitay armiyesige yéngilmeymiz!”

Muxbirimiz eziz
2022-01-13
Share

Hindistan bilen xitay otturisidiki talash-tartishta turuwatqan ladax rayoni heqqidiki so'allargha jawab bergende hindistan armiyesining bash qomandani, général manoj narawani özlirining herqachan xitay azadliq armiyesi bilen “Söhbet we tinch usulda mesililerni bir terep qilishni xalaydighanliqini, nawada toqunush yaki urush bolup qalsa özlirining ghalibiyet sahibi bolidighanliqini” alahide tekitligen.

“Hindistan waqti” gézitining 13-yanwardiki bash maqaliside körsitilishiche, u ötken 20 aydin buyan toqunush girdawida turuwatqan ladax rayonida hindistan armiyesining urushqa teyyar halette turuwatqanliqini, toqunush yaki urushning héch ilaj qalmighanda qollinilidighan eng axirqi chare ikenlikini, emma buningda özlirining ghelibige mutleq ishenchi barliqini iptixarliq ichide tilgha alghan.

Xewerde éytilishiche, hindistan-xitay da'iriliri nöwette 14-nöwetlik herbiy söhbetni bashlighan bolup, söhbettiki bezi qatmalliqlar tedrijiy tügeshke bashlighan. Emma hazirmu her ikki terep öz aldigha eng ilghar qorallar bilen qorallan'ghan 50 mingche eskerni ladax rayonida tutup turuwatqan bolup, hindistan armiyesining bu xildiki armiye orunlashturush herikiti alliqachan ladax rayonidin halqip ketken.

Hindistanning xitay bilen chégrilinidighan shimaliy qisim térritoriyesi asasiy jehettin mushu xildiki herbiy orunlashturushni tamamlap bolghan. Emma xitay terepning talash-tartish boluwatqan hemde hindistan terep öz téritoriyesi dep qarawatqan jaylarda tam soqup öy sélishi ikki terepning chégra mesilisini söhbet bilen hel qilishigha éghir tosqunluqlarni peyda qilmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet