Hindistan-xitay toqunushi zor inkas qozghidi

Muxbirimiz eziz
2020-06-17
Share

Mushu heptide yuqiri pellige chiqqan hindistan-xitay toqunushida 15-iyun küni 20 neper hindistan eskirining urup öltürüwétilgenliki melum bolghanidi.

Xitay tashqi ishlar ministirliqi bu heqtiki axbarat élan qilish yighinida her ikki tereptin ölüm-yétim weqesining bolghanliqini tekitligen bolsimu xitay tereptin qanchilik kishining ölgenlikini tilgha almighan. Nöwette bezi axbarat wasitiliride ladax rayonida xitay eskerliridin ölgenlerning sani 50 ke yétidighanliqi algha sürülmektiken.

"Wal strét zhurnili" ning 16-maydiki xewiride éytilishiche, hindistan terepmu xitay eskerlirining "Éghir zexm" yégenlikini bildürgen. Hindistan bash ministiri modi téléwiziye nutqi sözlep "Hindistan tinchliqni söyidu. Emma ighwagerlikke uchraydiken tégishlik jawab qayturidu. Biz ladaxta qurban bolghanlani yad étimiz" dégen. Xewerde éytilishiche, amérika bilen hindistan otturisidiki dostluqning yéqinqi birnechche yil ichide zor derijide küchiyishi, shuningdek hindistan terepning aqsay chin rayonigha yéqin bolghan bu rayonda yol yasishi xitayni qattiq bi'aram qilghan.

Hindistanning herqaysi jaylirida barliqqa kelgen xitaygha qarshi namayishlarda shi jinpingning chongaytilghan süriti we xitay bayriqi köydürülgen. Bezi axbarat wasitiliri "Hazir amérika üchün hindistanning xitaygha qarshi herikitini ashkara qollash peyti yétip keldi" dégen mezmunda maqaliler élan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet