Һиндистан билән хитай даирилири анти - террорлуқ маневири өткүзди

Мухбиримиз җүмә
2015.10.24
Share on WhatsApp
Share on WhatsApp

Һиндистан билән хитай даирилири бирликтә өткүзгән “қолни - қолға тутушуш” намлиқ анти - террорлуқ бирләшмә маневири җүмә күни хитайниң кунмиң шәһиридә аяғлашқан.

Мәзкур маневир бу икки дөләт арисида өткүзүлгән шу хилдики 5 - қетимлиқ маневир, бу маневир җәмий 10 күн давам қилған.

Һиндистан мудапиә министирликиниң хәвәр қилишичә, маневирниң 21 - вә 22 - өктәбирдики қисимлири һиндистан - хитай чеграсидики бир районда өткүзүлгән.

Бу һәқтә елан қилинған бирләшмә баянатқа қариғанда, маневир “көзлигән мәқситигә йәткән.”

Маневирға һәр икки тәрәптин 173 нәпәрдин әскәр қатнаштурулған.

Һиндистанниң хитай билән чегра ихтилапи бар болуп, мәзкур ихтилап 1962 - йили бу икки дөләт арисида бир айға созулған урушқа сәвәб болған.

Гәрчә бу икки дөләтниң мунасивәтлири нөвәттә бир қәдәр нормаллашқан болсиму, икки тәрәп арисидики чегра мәсилиси та һазирғичә һәл болмай кәлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт