Hindistan bilen xitay da'iriliri anti - térrorluq manéwiri ötküzdi

Muxbirimiz jüme
2015-10-24
Share

Hindistan bilen xitay da'iriliri birlikte ötküzgen “Qolni - qolgha tutushush” namliq anti - térrorluq birleshme manéwiri jüme küni xitayning kunming shehiride ayaghlashqan.

Mezkur manéwir bu ikki dölet arisida ötküzülgen shu xildiki 5 - qétimliq manéwir, bu manéwir jem'iy 10 kün dawam qilghan.

Hindistan mudapi'e ministirlikining xewer qilishiche, manéwirning 21 - we 22 - öktebirdiki qisimliri hindistan - xitay chégrasidiki bir rayonda ötküzülgen.

Bu heqte élan qilin'ghan birleshme bayanatqa qarighanda, manéwir “Közligen meqsitige yetken.”

Manéwirgha her ikki tereptin 173 neperdin esker qatnashturulghan.

Hindistanning xitay bilen chégra ixtilapi bar bolup, mezkur ixtilap 1962 - yili bu ikki dölet arisida bir aygha sozulghan urushqa seweb bolghan.

Gerche bu ikki döletning munasiwetliri nöwette bir qeder normallashqan bolsimu, ikki terep arisidiki chégra mesilisi ta hazirghiche hel bolmay kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet