Hindistanning “Yadro teminlesh guruppisi” gha eza bolushi xitayni endishige salghan

Muxbirimiz qutlan
2015.01.26

Amérika prézidénti barrak obamaning hindistan ziyariti jeryanida xitay hökümiti hindistanning “Yadro teminlesh guruppisi” gha eza dölet bolushidin endishe qiliwatqanliqini bildürgen.

Obama düshenbe künidiki hindistan ziyariti jeryanida hindistanning amérika bashchiliqidiki “Yadro teminlesh guruppisi” ning 48-eza döliti bolushini qarshi alidighanliqini ilgiri sürgen.

Xitay tashqi ishlar ministirliqining bayanatchisi xwa chünying bu heqte derhal inkas qayturup, “Yadro teminlesh guruppisi” gha eza barliq döletlerning buni éhtiyatchanliq bilen oylinip körüshini telep qilghan.

U mundaq dégen: “Biz mezkur xelq'araliq guruppigha yéngi eza döletlerning qoshulush mesilisige qarshi emesmiz, lékin biz hindistanni mezkur guruppigha eza bolushtin awwal bu guruppining munasiwetlik ölchemlirini ada qilishqa chaqirimiz.”

Melumki, “Yadro teminlesh guruppisi” 1975-yili qurulghan xelq'araliq teshkilat bolup, u xelq turmushi üchün ishlitilidighan yadro énérgiyesining herbiy hazirliqlar üchün kéngeytilmeslikke kapaletlik qilishni meqset qilghan. Amérika bilen en'gliye uzundin buyan hindistanning bu guruppigha eza bolushini teshebbus qilghan bolsimu, lékin xitayning qarshi turushigha duch kelgen.

Közetküchiler, xitayning bu heqtiki qarshiliqi emeliyette özining jenubiy déngizdiki térritoriye qara niyiti we pakistan bilen bolghan yadro hemkarliqidin ensirewatqanliqining ipadisidur, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.