Yaponiye bilen hindistan herbiy hemkarliqini yenimu kücheytish heqqide kélishken

Muxbirimiz irade
2017-09-14
Share

Hindistan bilen yaponiye herbiy hemkarliqni yenimu kücheytish heqqide kélishim hasil qilghan.

Roytérz agéntliqining xewirige qarighanda, bügün yaponiye bash weziri shinzo abé bilen hindistan bash ministiri modi ikki dölet arisidiki herbiy hemkarliqlarni yenimu kücheytish hemde awstraliye we amérika bilen bolghan hemkarliqlarni dawamliq zoraytish heqqide kélishken.

Roytérz agéntliqining mezkur xewiride bu kélishimning xitayning asiyada künsayin zoriyiwatqan tesirige qarita ortaq taqabil turushni meqset qilghanliqi ilgiri sürülgen.

Melum bolushiche, ikki terep élan qilghan ortaq bayanatta, ikki döletning xewpsizlik jehettiki alaqisini kücheytishning intayin muhimliqini tekitlen'gen. Shuning bilen birge yene bu hemkarliqlarning türlük yuqiri téxnikiliq herbiy üsküniler üstide ortaq tetqiqat élip bérish we ikki terep armiyilirining ortaq manéwir ötküzüshi qatarliq sahelerni öz ichige alidighanliqi bildürülgen.

Xewerde déyilishiche, bu yilning béshida hindistan xitayni renjitip qoymasliq üchün awstraliyening “Töt dölet ortaq herbiy manéwiri” ötküzüsh telipini ret qilghan iken. Emma bu nöwet modi shinzo abé bilen körüshkendin kéyin awstraliye we amérika bilen bolghan hemkarliqini kücheytishni qarar qilghan.

Shinzo abé muxbirlargha qilghan sözide, “Hindistan bilen bolghan munasiwitimiz adettiki ikki dölet hemkarliqidin istratégiyilik shériklik derijisige qarap tereqqiy qildi,” dégen.

Shinzo abé bilen modining uchrishishining hindistan bilen xitay otturisidiki chégra detalishi emdila axirlashqan bir mezgilge toghra kélishi diqqet qozghimaqta.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet