Hindonéziye tashqi ishlar ministirliqi xitay elchisini chaqirtip Uyghurlarning weziyitini sürüshte qilghan

Muxbirimiz irade
2018-12-20
Élxet
Pikir
Share
Print

Hindonéziye tashqi ishlar ministirliqi xitayning hindonéziyede turushluq bash elchisini ministirliqqa chaqirtip, Uyghurlarning weziyiti heqqidiki endishilirini otturigha qoyghan.

"Jakarta pochtisi" gézitining xewer qilishiche, hindonéziye tashqi ishlar ministirliqi xitay bash elchisi shyaw chyenni düshenbe küni chaqirtip, uningdin Uyghurlarning weziyitini sürüshte qilghan.

Hindonéziye tashqi ishlar ministirliqining bayanatchisi armanta nasir charshenbe küni muxbirlargha qilghan sözide özlirining xitay elchisige dini étiqad erkinlikning xelq'ara kishilik hoquq qanunlirida békitilgen bir hoquqliqini, barliq döletlerning uninggha hörmet qilish we kapaletke ige qilish mejburiyitining barliqini eskertkenlikini bildürgen.

Yéqinqi bir qanche kündin buyan hindonéziyediki zor tesir küchke ige dini guruppilar bayanat élan qilip, hindonéziye hökümitini Uyghurlar mesilisini sürüshte qilishqa chaqirghan idi. Bügün hindonéziyediki "Muhemmediye" namliq bir musteqil bir organ bayanat élan qilip, "Birleshken döletler teshkilati we islam hemkarliq teshkilatlirini heriketke ötüshke chaqirghan. Shundaqla teshkilatning Uyghur élige kéreklik insaniy yardemlerni teminlesh üchün her waqit teyyar ikenlikini bildürgen.

Xitayning jakartadiki elchixanisimu peyshenbe küni bayanat élan qilip, özlirining Uyghur rayondiki siyasetlirini aqlighan shundaqla hindonéziye xelqining u yerdiki weziyetni heqiqiy chüshinishining muhimliqini bildürgen.

Toluq bet