Hindonéziyede türmidin qoyup bérilgen 3 Uyghurning teqdiri kishilik hoquq teshkilatlirida endishe qozghighan

Muxbirimiz erkin
2020-10-23
Share

2015-Yili hindonéziyede qolgha élinip 5 yilliq qamaq jazasigha höküm qilin'ghan 3 neper Uyghur yéqinda qamaq jazasi toshup qoyup bérilgen. Lékin ularning qaysi döletke qayturush mesilisi éniq emes bolup, bu kishilik hoquq teshkilatlirida endishe qozghighan. Abdulbasit tüzer, exmet mahmut, altinji bayram isimlik bu Uyghurlar 2015-yili hindonéziye da'iriliri teripidin "Térrorluq teshkilatlirigha qatnishish" gumani we "Chégradin qanunsiz kirish" bilen eyiblinip qolgha élin'ghan. Ular shu yili sotlinip, 5 yilliqtin qamaq jazasigha höküm qilin'ghanidi.

Nöwette, bu 3 Uyghurning qeyerde ikenliki melum emes. Kishilik hoquq közitish teshkilatining bildürüshiche, eger ular xitaygha qayturup bérilse teqdiri éghir ehwalgha yoluqidiken. Mezkur teshkilat 20-öktebir radiyomizgha ularning xitaygha qayturup bérilishige qet'iy qarshi ikenlikini bildürdi. Ular 2015-yili qolgha élin'ghanda türk pasporti bilen tutulghan bolup, türkiyening jakartada turushluq elchixasining ular toghrisida qandaq pikirde ikenliki melum emes.

Lékin hindonéziye emeldarlirining tekitlishiche, xitayning jakartada turushluq elchixanisi ularni qayturup kétish üchün heriket qilmaqtiken. 2009-Yili yüz bergen "5-Iyul weqesi" din kéyin bolupmu 2012 yildin bashlap minglighan Uyghur xitayning siyasiy, diniy basturushidin qéchip sherqiy-jenubiy asiya elliri arqiliq türkiyege qéchishqa bashlighan. Bu rayondiki döletlerge qéchip barghan bezi Uyghurlar tutqun qilinip, türkiyege ötküzüp bérilgen, beziliri kishilik hoquq teshkilatlirining qarshi turushigha qarimay xitaygha qayturup bérilgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.