Хитай әдәбият-сәнәтчиләр бирләшмиси “шинҗаңни мәдәнийәт билән озуқландуруш” темисида мәхсус хизмәт йиғини ачқан

Ихтиярий мухбиримиз җәвлан
2022.06.30
Share on WhatsApp
Share on WhatsApp

“биңтуән гезити” чиқарған бир хәвәрдин мәлум болушичә, 28-июн күни хитай әдәбият-сәнәтчиләр бирләшмиси “шинҗаңни мәдәнийәт билән озуқландуруш” темисида мәхсус хизмәт йиғини ачқан. 

Бу йиғин уйғур районидики иқтисадий талан-тараҗ вә мәдәнийәт ассимилатсийәсидә авангартлиқ ролини ойнаватқан биңтуәнниң алаһидә қоллиши билән ечилған болуп, биңтуән парткоминиң муавин секритари, партком тәшвиқат бөлүминиң башлиқи лю җйәнмиң йиғинда сөз қилип, “шинҗаңни мәдәнийәт билән озуқландуруш” хизмитини илгири сүрүшни тәкитлигән.

Лю җйәнмиң хитай әдәбият-сәнәтчиләр бирләшмиси әзалиридин “шинҗаңни мәдәнийәт билән озуқландуруш” хизмитиниң муһимлиқини тонуп, әдәбият-сәнәтчиләрниң шинҗаңға ярдәм бериш қизғинлиқини ашуруп, яхши әсәрләрни барлиққа кәлтүрүп, уйғур районини “илғар җуңхуа мәдәнийитини намайән қилидиған макан” ға айландуруш үчүн тиришчанлиқ көрситишни тәләп қилған.

Лю җйәнмиң бу йиғинда ши җинпиң вә ма шиңрүйниң “шинҗаңни мәдәнийәт билән озуқландуруш, җуңхуа милләтлири ортақ гәвдиси бәрпа қилишниң асаси” дегән идийәсини тәкитлигән болуп, әдәбият-сәнәтчиләрни бу сәпкә актип қетилишқа сәпәрвәр қилған. “хәлқара кишилик һоқуқни көзитиш тәшкилати” ниң алий тәтқиқатчиси мая ваңниң қаришичә, “шинҗаңни мәдәнийәт арқилиқ озуқландуруш” қурулуши әмәлийәттә уйғурларни хитайлаштуруш сияситиниң өзи болуп, униң иҗраат шәкли “инсанийәткә қарши җинайәт” түсини алған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.